Аб гэтым каардынатарка штабу Марыя Калеснікава распавяла ў традыцыйным штотыднёвым стрыме.
Каманда Віктара Бабарыкі распавяла, што мае план на рэгістрацыю палітычнай партыі. Аднак аніякай дадатковай інфармацыі яна пакуль што сказаць не можа.
«У нас ёсць такі план. Падрабязнасцяў мы пакуль што сказаць не можам, бо гэта цяжка і доўгі працэс», – сказала каардынатарка штабу Марыя Калеснікава.
Марыя Калеснікава адзначыла, што зараз гаварыць пра аб’яднанне з іншымі кандыдатамі – рана, аднак яны вядуць перамовы з прадстаўнікамі іншых ініцыятыўных групаў.
Галоўны крытэр – супадзенне каштоўнасцяў. Каардынатарка штабу падкрэсліла, што трэба дачакацца 14 ліпеня, калі будзе вядома, каго з прэтэндэнтаў на прэзідэнцтва зарэгістравалі.
КТ belsat.eu