Кіраўніцтва Іраку аб’явіла Каляды афіцыйным святам на тэрыторыі ўсёй краіны. Урад таксама павіншаваў усіх грамадзян-хрысціянаў.
«Урад абʼяўляе Каляды афіцыйным святам у Іраку. Шчаслівага Раства нашым грамадзянам-хрысціянам, усім іракцам і ўсім, хто святкуе гэтае свята па ўсім свеце», – гаворыцца ў паведамленні, размешчаным у панядзелак на афіцыйнай старонцы ўрада краіны ў Twitter.
Акрамя таго, канцылярыя іракскага прэмʼер-міністра паведаміла пра сустрэчу кіраўніка ўрада Адэля Абдэль Махдзі з дзяржаўным сакратаром (кіраўніком урада) Ватыкана кардыналам Пʼетра Пароліном, які прыбыў з візітам у Ірак у панядзелак.
«Мы молімся за поспех гэтага першага візіту высокапастаўленага прадстаўніка Ватыкана ў Ірак, і спадзяемся, што ён стане перадумовай для арганізацыі візіту папы Рымскага Францішка», – адзначаецца ў заяве Халдэйскай каталіцкай царквы Іраку.
Паводле афіцыйнай статыстыкі ў Іраку пражываюць каля 300 тысячаў хрысціянаў. 95 % 38 мільённага насельніцтва рэспублікі вызнаюць іслам.
СК, belsat.eu
