Каля плошчы Перамогі 9 траўня абмяжуюць рух транспарту


ўскладанне вянкоў на мітынгу у гонар 9 траўня. Городня 9 мая 2017. Васілій Малчанаў / Белсат

Пра гэта паведамілі ў ДАІ ГУУС Менгарвыканкаму.

А 12:00 на плошчы Перамогі адбудзецца ўрачыстая цырымонія ўскладання вянкоў, а з 21:30 да 23:00 там жа пройдзе гала-канцэрт.

Праз гэта з 10:00 да заканчэння ранішніх мерапрыемстваў, а таксама з 17:00 да заканчэння вячэрніх мерапрыемстваў у цэнтральнай частцы гораду будуць уведзеныя часовыя абмежаванні руху ўсіх відаў транспарту па праспекце Незалежнасці (ад вуліцы Я. Купалы да вуліцы Казлова), па вуліцы Захарава (ад праспекта Незалежнасці да вуліцы Першамайскай) і па вуліцы Кісялёва (ад праспекта Незалежнасці да вуліцы Чырвонай).

Дзяржаўтаінспекцыя рэкамендуе кіроўцам планаваць свой маршрут з улікам гэтай інфармацыі.

belsat.eu

Глядзі таксама
Каментары