Раніцай 4 кастрычніка пры заходзе на пасадку ў Львоўскі міжнародны аэрапорт знік з радараў транспартны самалёт Ан-12. На борце было 8 чалавек.
https://www.facebook.com/LvivAirport/posts/2617452171644822
Самалёт Ан-12 здзейсніў аварыйную пасадку за 1,5 км ад узлётна-пасадачнай паласы, паведамілі ў Галоўным упраўленні дзяржаўнай службы надзвычайных сітуацыяў Украіны ў Львоўскай вобласці.
Ратавальнікі разблакавалі 3 пацярпелых з пашкоджанага самалёта, якіх шпіталізавалі з траўмамі рознай ступені цяжкасці. Аварыйна-выратавальныя работы працягваюцца. Яшчэ трое чалавек загінулі.
Разам з тым дэпутат Львоўскай гарадской рады Ігар Зінкевіч паведаміў у «Facebook’у» пра чатырох загінулых.
Співчуття рідним людей які загинули …04.10.2019 о 07:30Літак АН12, який летів до Львова і мав приземлитися в…
Opublikowany przez Igora Zinkevycha Czwartek, 3 października 2019
Паводле яго, самалёт ляцеў з Іспаніі ў Турэччыну. У Львове ён мусіў сесці на дазапраўку, але прызямліўся каля могілак у вёсцы Сакольнікі. Зараз аэрапорт Львову закрыты.
Як паведамляюць карэспандэнты belsat.eu, месца здарэння ачэпленае, журналістаў на яго не пускаюць.
МГ belsat.eu
