Нацыянальная бібліятэка Беларусі выклала ў публічны анлайн-доступ калекцыю беларускіх часопісаў за 1918–1939 гады.
Як паведамілі ў бібліятэцы, апублікаваныя як перыядычныя выданні, гэтак і тыя, што выдаваліся аднаразова ці нерэгулярна.
Калекцыя падзеленая на часопісы БССР, часопісы Заходняй Беларусі і часопісы беларускага замежжа.
Часопісы структураваны па храналогіі і маюць апісанне, якое ўключае звесткі пра мову выдання, месца і дату выхаду ў свет, установу, з якой атрыманая лічбавая копія.
Партнёрамі Нацыянальнай бібліятэкі Беларусі ў рэалізацыі праекту з’яўляюцца Прэзідэнцкая бібліятэка Рэспублікі Беларусь, Цэнтральная навуковая бібліятэка імя Я. Коласа НАН Беларусі, Нацыянальная кніжная палата Беларусі ды Дзяржаўны музей гісторыі беларускай літаратуры.
У калекцыі таксама змешчаны электронныя копіі часопісаў з фондаў Нацыянальнай бібліятэкі Польшчы, Бібліятэкі Акадэміі навук Літвы імя Урублеўскіх, Бібліятэкі Ягелонскага ўніверсітэту і іншыя.
Рэсурс будзе дапаўняцца.
МГ belsat.eu