Раніцаю 5 красавіка ў свеце зарэгістравалі больш за 1 млн 200 тысячаў інфікаваных каронавірусам і амаль 65 тысяч памерлых ад COVID-19. Пра гэта сведчаць дадзеныя Універсітэту Джонза Гопкінза.
На першым месцы па колькасці інфікаваных знаходзяцца ЗША – у гэтай краіне заразіліся 312 146 чалавек. На другое месца, абагнаўшы Італію, выйшла Іспанія – 126 168 інфікаваных.
У Італіі захварэлі 126 632 чалавека. Чацвертае месца ў спісе займае Нямеччына з 96 092 інфікаванымі. На пятае месца выйшла Францыя (90 848 заражаных), абагнаўшы Кітай (82 574).
У Італіі па-ранейшаму найбольш высокі ўзровень смяротнасці ад каронавірусу: загінулі 15 362 чалавекі (выздаравелі 20 996). У Іспаніі памерлі 11 947 пацыентаў з COVID-19. У гэтай еўрапейскай краіне другі дзень запар назіраецца зніжэнне колькасці памерлых ад каронавіруса.
Па колькасці людзей, якія выздаравелі ад каронавіруса (34 219), Іспанія таксама займае другое месца ў свеце. У Кітаі ж найбольш высокая колькасць людзей, якія выздаравелі – больш за 77 тысячаў.
Агулам у свеце па стане на раніцу 5 красавіка было інфікавана каронавірусам 1 203 099 чалавек. З іх загінулі – 64 774.
Міністэрства аховы здароўя Беларусі па стане на 4 красавіка афіцыйна пацвердзіла 440 выпадкаў інфікавання і 5 смерцяў пацыентаў з COVID-19.
ІІ belsat.eu
