Групоўка «Ісламская дзяржава» заявіла, што за тэрарыстычнай атакай у Мельбурне стаяў адзін з баевікоў арганізацыі. Такая інфармацыя была распаўсюджаная праз сайты, звязаныя з «ІД».
Напад адбыўся ў цэнтры Мельбурна 9 лістапада. Мужчына падпаліў аўтамабіль, у якім ляжалі газавыя балоны і напаў з нажом на траіх чалавек, адзін з якіх загінуў. Злачынец, ураджэнец Самалі, быў смяротна паранены паліцэйскімі. Балоны не падарваліся, і полымя патушылі праз 10 хвілінаў.
«Той, хто здзейсніў аперацыю ў Мельбурне, – адзін з байцоў «Ісламскай дзяржавы», і ён адгукнуўся на заклік здзяйсняць напады на грамадзянаў кааліцыі [якую узначальвае ЗША]», – паведаміў сайт Amaq
Аўстралійская паліцыя прызнала інцыдэнт тэрактам.
ІІ, belsat.eu, паводле Reuters