Лагатыпы-лідары паводле галасавання
Берасцейскі гарвыканкам абвесціў конкурс па распрацоўцы лагатыпу і слогану, прысвечаных 1000-годдзю гораду. Інтэрнаўты бурна адрэагавалі на заклік прагаласаваць за найлепшы эскіз.
На момант падрыхтоўкі публікацыі, у лідарах быў малюнак, імаверна, дзіцячы, з выяваю двух блакітных галубоў і фігуры, падобнай да сэрца. За гэты малюнак прагаласавалі 2 726 інтэрнаўтаў. Бліжэйшы супернік мае 1 303 галасы.
Агулам у інтэрнэт-галасаванні ўдзельнічаюць 23 ілюстрацыі. Арганізатары конкурсу паведамляюць, што пакінулі за сабою права зняць любую працу з галасавання ў выпадку «спробаў штучнага павелічэння колькасці галасоў».
МЛ, belsat.eu
