З 9 па 13 кастрычніка ў адпаведнасці з пагадненнем паміж урадам Рэспублікі Беларусь і Кабінетам міністраў Украіны аб дадатковых мерах даверу і бяспекі, Рэспубліку Беларусь наведае інспекцыйная група Украіны. Пра гэта паведамляе Мінабароны Беларусі.
Інспекцыйная група правядзе інспекцыю вызначанага раёна і наведае 38-ю асобную гвардзейскую дэсантна-штурмавую брыгаду. Мэтай інспекцыі з’яўляецца праверка ваеннай дзейнасці, якая падлягае папярэдняму паведамленню ў адпаведнасці з палажэннямі пагаднення.
Украінскі бок ацэніць дакладнасць інфармацыі, прадстаўленай Беларуссю ў рамках пагаднення, у дачыненні да асабовага складу, асноўных сістэм узбраення і ваеннай тэхнікі вайсковай часткі, якую наведае група.
КА, belsat.eu