IKEA спыніла рэкламную кампанію са слоганам «Кожнаму сваё» пасля скаргаў на магчымую двухсэнсоўную інтэрпрэтацыю гэтай фразы, паведаміла прэс-служба IKEA інфармацыйнаму агенцтву RNS.
Пра негатыўную рэакцыю кліентаў расейскага прадстаўніцтва IKEA раней паведаміла агенцтва «Масква».
На рэкламу звяртаў увагу і расейскі дэпутат Дзярждумы Віталь Мілонаў. Ён нагадаў, што гэтую фразу выкарыстоўвалі нацысты на браме канцлагера Бухэнвальд. Дэпутат пры гэтым адзначыў, што выкарыстанне яе ў рэкламе не з’яўляецца парушэннем – выраз «suum cuique (лат. «кожнаму сваё») вядомы яшчэ з часоў Старажытнага Рыму.
У 2018 годзе слоган «Кожнаму сваё» з’явіўся на рэкламных плакатах мабільнага аператара «Билайн», але пасля таго як рэклама выклікала абурэнне ў сацыяльных сетках, рэкламную кампанію спынілі.
ЮВ belsat.eu