Міністэрства ўнутраных справаў Беларусі папярэджвае, што ўзнялася хваля кібератакаў на беларускія прадпрыемствы розных формаў уласнасці.
«Ашуканцы атакуюць беларускія прадпрыемствы!!! Хваля кібервірусаў пракацілася па беларускім прадпрыемствам усіх формаў уласнасці!», – гаворыцца ў Telegram-канале прэс-сакратара МУС Вольгі Чамаданавай.
Супрацоўнікі МУС зафіксавалі больш за 10 выпадкаў злоўжыванняў. Падчас апошняй атакі ў Менску адбылося спісанне сродкаў у адной з фірмаў у памеры 14 тысячаў рублёў.
«У той час, калі супрацоўнікі фірмы не ладзяць ніякіх захадаў, запускаецца шкоднасны працэс. Фармуецца фіктыўнае даручэнне на перавод фінансавых сродкаў на разліковы рахунак ашуканцаў», – тлумачыцца ў паведамленні.
У МУС нагадваюць, што ў мэтах бяспекі не варта актываваць прымацаваныя да электроннага ліста файлы, калі няма ўпэўненасці ў адпраўніку. Таксама не варта пакідаць у кампутары электронны ключ – вірусны алгарытм выкарыстоўвае яго пры генераванні плацежнага даручэння.
СК belsat.eu
