Хакеісты не трымалі руку на сэрцы падчас выканання гімна Беларусі. Каманда аштрафаваная
08.12.202016:31
ФХБ аштрафавала аршанскі «Лакаматыў» на 25 базавых велічынь (675 рублёў), паведамляе Tribuna.com.
Фота: Арцем Крыўцоў / ХК «ЛОКОМОТИВ – OРША» | HC LOKOMOTIV – ORSHA / vk.com
Прычынай пакарання паслужыла тое, што пяць хакеістаў каманды не трымалі рукі на сэрцы падчас выканання дзяржаўнага гімна перад пачаткам адной з сустрэч «Парыматч-Экстралігі». Такую працэдуру патрабуе рэгламент турніру.
Hавiны
«Добра я, навошта дзяцей чапаеце?» Лукашэнка – пра ўчорашнія санкцыі МАК
2020.12.08 12:35
Хакеістам «Лакаматыва» паведамілі, што штраф падзеляць на пяць частак і спагоняць з тых, хто вінаваты.
Паводле пункту 8 артыкула 62 Рэгламенту правядзення адкрытага Чэмпіянату па хакеі з шайбай, удзельнікі матчу – грамадзяне Рэспублікі Беларусь слухаюць дзяржаўны гімн Беларусі, прыклаўшы далонь правай рукі да левага боку грудзей.
