У Сяньскім універсітэце замежных моваў адкрыўся пяты ў Кітаі Цэнтр вывучэння Беларусі. 19 кітайскіх студэнтаў вучаць у ім беларускую мову без ведання расейскай.
Адзін са студэнтаў прызнаўся па-беларуску, што хацеў бы пасябраваць з беларусамі ды сустрэць зубра.
Відэа «Чаму я вывучаю беларускую мову?» у «Twitter’ы» выклаў беларускі амбасадар Кірыл Руды.
Кірыл Руды часта выкладае відэа на беларускую тэматыку. Сёлета амбасадар Беларусі ў Кітаі апублікаваў у сваім «Twitter’ы» відэа, на якім Мікалай Лукашэнка па-кітайску віншуе жыхароў Паднябеснай са святам вясны (кітайскі Новы год).
ДР belsat.eu