«Мне дапамаглі з адвакатам, ён прыехаў з Менску. Што цікава, пускалі нават незнаёмцаў, а яго не хацелі не вядома на якой падставе. У выніку ён усё ж давёў ім, што мае права прысутнічаць».
«Я не п’ю, не куру. Чаму яны прызналі, што мой сын перабывае ў сацыяльна небяспечным становішчы? Замест таго, каб абараняць мяне ад псіхічна нездаровага чалавека, які тэрарызуе і маральна знішчае мяне і сына, яны бяздзеюць», – кажа Святлана Мішота.
«Яны адмыслова завялі на мяне справу, падкрэслілі гэта на савеце, маўляў, і ў мамы, і ў таты ёсць адміністратыўныя парушэнні», – зазначае жыхарка Мазыра.
«Адзінае, пра што я прасіла, адгарадзіць мяне ад агрэсара. Яны зноў пачалі гаварыць, што мы павінныя дамовіцца. Але як можна дамовіцца з маральным тэрарыстам? Я кажу Галюку, чаму ўлады бяздзеюць? А Галюк мне кажа: улады вам нічога не вінныя».
Святлана ўпэўненая, што былы муж не спыніцца і будзе дамагацца, каб у яе адабралі дзіця.
«Яны прынялі несправядлівае рашэнне. І чым яны нібыта дапамогуць? Будуць прыходзіць з правяраннямі ды спраўджваць лядоўню? Шмат хто праз пачуццё ўлады ставіцца да нас з пагардаю, павышае голас. Я не ведаю, як яны хочуць рэгуляваць нашыя адносіны. Я не хачу мець з Максімам Ляпёшкіным нічога агульнага. Навошта змушаць мяне з ім падтрымліваць адносіны? Зноў пажаніць?», – абураецца яна.
Цяпер жанчыну хочуць прыцягнуць за хуліганства. 12 кастрычніка на вачах у міліцыянтаў яе збіў бацька Максіма Ляпёшкіна. На эмоцыях яна выпадкова перакуліла бутэльку з алеем.
Па выніку штурханіны адказваць перад судом будзе яна, а не крыўднік. Рэгістратары працаўнікоў РАУСу нібыта не запісалі бойкі, бо здымаюць на ўзроўні грудзей. Святлану ж будуць судзіць за хуліганства, маўляў, яна абразіла старога.
Belsat.eu будзе сачыць за развіццём сітуацыі Святланы Мішоты.
ДР belsat.eu