Чарговы онлайн-канцэрт у рамках VELO_ve Music Fest адбудзецца ў сераду 13 траўня. Пачатак а 19:00
Арганізатары вясновага фэсту створаць маляўнічую карцінку ў галерэі сучасных мастацтваў «Ў». Спецыяльна да выступлення соўл-гурту Dee Treе ўсталявалі яркія дэкарацыі: гледачам на гэты раз прапаноўваюць «перанесціся» у футурыстычны лес казкі «Аліса ў Залюстроўе».
Разбавяць чатырохгадзіннае казачнае шоу менскія дыджэі EYE-Q і MAX GREAT. Падчас трансляцыі можна задаваць пытанні музыкам, пісаць каментары і выкладваць кантэнт у сваіх сацыяльных сетках з галоўным хэштэгам #VELO_ve.
Вядоўца трансляцыі – вядомы шоўмен Андрэй Бонд.
Вядома, што хутка ў межах фэсту таксама выступіць папулярны беларускі рок-гурт AKUTE, а трансляцыі плануюць працягваць да чэрвеня.
КА belsat.eu