Гуманітарны груз для барацьбы з эпідэміяй каронавіруса быў дастаўлены ў Менск на склад «Белмедтэхнікі». Польскі бок перадаў беларусам дэзынфекуючыя і антысептычныя сродкі, а таксама хірургічныя маскі.
Пра перадачы гуманітарнай дапамогі прысутнічаў амбасадар Польшчы ў Беларусі Артур Міхальскі.
«Калі бяда ў вас і ў нас, мне здаецца надзвычай важным, каб мы адчувалі сябе салідарнымі і блізкімі адзін да аднога», – падкрэсліў дыпламат.
Нагадаем, Варшава адправіла ў Беларусь каля 75 тысячаў літраў дэзынфекуючых і антысептычных сродкаў, а таксама 100 тысячаў хірургічных масак. Донарам дапамогі стала Міністэрства здароўя Польшчы і шэраг польскіх дзяржаўных кампаніяў. Канвой зарганізаваў Фонд міжнароднай салідарнасці, транспартаваннем займаліся супрацоўнікі пажарнай службы Польшчы.
Калона з шасці грузавых аўто ўчора выехала з Варшавы і ўжо сёння раніцай перакрочыла польска-беларускую мяжу.
ІІ belsat.eu
