У Віцебскай вобласці ратавальнікі знайшлі грыбніка, які заблукаў амаль тыдзень таму. Спачатку сваякі пенсіянера вялі пошукі самастойна, затым падключылася міліцыя, ратавальнікі і войска.
«АНТ» падае, што мужчыну шукалі з дапамогай авіяцыі.
Грыбніка знайшлі на балоце ў крытычным стане. Да машыны хуткай дапамогі яго неслі паўтара кіламетра. Цяпер пенсіянер у больніцы.
Гэта не адзінкавы выпадак – сёння ў Віцебскай вобласці шукаюць яшчэ двух чалавек.
Адмыслоўцы рэкамендуюць адпраўляцца ў лес з зараджаным тэлефонам і ў адзенні яскравых колераў, браць з сабой ваду і мінімальную аптэчку, а таксама не хадзіць па адным.
ДД
