Грошы на помнік Алесю Ліпаю сабраныя


На ўсталяванне помніку заснавальніку і былому галоўнаму рэдактару інфармацыйнага агенцтва БелаПАН Алесю Ліпаю сабралі 10 123 рублі з неабходных 10 тысяч. Краудфандынг, які вядзецца на платформе ulej.by, працягнецца яшчэ два дні.

Мінімальная сума ахвяравання складае 10 рублёў, а максімальная – 100.

Кім быў Алесь Ліпай? Памяці атланта беларускай журналістыкі

Помнік Ліпаю плануюць паставіць на ягонай магіле ў Рудзенску Пухавіцкага раёну да гадавіны смерці – 23 жніўня. Аўтар помніку – скульптар Вадзім Мацкевіч.

Алесь Ліпай заснаваў БелаПАН у 1991 годзе. Летась ён памер пасля працяглай хваробы.

МГ belsat.eu

Глядзі таксама
Каментары