Грэту Тунбэрг уганаравалі «альтэрнатыўнай Нобэлеўскай прэміяй»


Грэта Тунбэрг падчас выступу ў ААН.
Фота: CARLO ALLEGRI/Reuters/Forum

16-гадовая экалагічная актывістка са Швецыі Грэта Тунбэрг абвешчаная лаўрэаткай прэміі «За правільны лад жыцця», вядомай таксама як «Альтэрнатыўная Нобэлеўская прэмія».

Hавiны
На Нобэлеўскую прэмію міру вылучылі 16-гадовую шведскую школьніцу Грэту Тунберг
2019.03.14 17:09

Як паведамілі арганізатары, актывістка атрымлівае ўзнагароду «за натхняльныя і ўзмацняльныя палітычныя патрабаванні адносна тэрміновых кліматычных дзеянняў, якія адлюстроўваюць навуковыя факты».

«Хоць я і атрымліваю ўзнагароду, не я з’яўляюся пераможцай. Я частка глабальнага руху школьнікаў, моладзі і дарослых рознага веку, якія вырашылі дзейнічаць у абарону нашай жывой планеты», – заявіла Грэта Тунбэрг.

Таксама сярод атрымальнікаў прэміі яшчэ трое чалавек.

Аб’ектыў
Беларуская моладзь хоча падтрымаць сусветныя дэманстрацыі па праблемах клімату
2019.09.11 22:43

Гэтак, праваабаронца Амінату Гайдар (Aminatou Haidar), вядомая як «сахарская Гандзі», атрымлівае ўзнагароду «за настойлівыя негвалтоўныя дзеянні, нягледзячы на турэмнае зняволенне і катаванні, у мэтах забеспячэння справядлівасці і самавызначэння народу Заходняй Сахары».

Адвакатка Го Цзяньмэй (Guo Jianmei) атрымлівае ўзнагароду «за наватарскую і настойлівую працу ў абарону правоў жанчын у Кітаі». За сваю кар’еру яна дапамагала тысячам абяздоленых жанчын атрымаць доступ да правасуддзя.

Аб’ектыў
Экалагічныя страйкі моладзі прайшлі па ўсім свеце
2019.09.20 22:08

А лідар індзейцаў Бразіліі Даві Капенава (Davi Kopenawa) узнагароджаны «за смелую рашучасць абараняць лясы і біяразнастайнасць Амазонкі, а таксама землі і культуру яе карэнных народаў».

Кожны з якіх атрымае 1 млн шведскіх кронаў (94 тыс. еўраў). Прызавы фонд прызначаны для падтрымання працы лаўрэатаў, а не для асабістага карыстання.

Агулам былі разгледжаныя заяўкі 142 намінацыяў з 59 краінаў.

Стужка навінаў