Гомельская настаўніца збіла вучня, яму наклалі швы

У Гомлі настаўніца адной са школаў збіла вучня, у выніку чаго той трапіў у больніцу. Пра гэта паведамляюць «Сильные новости».

https://belsat.eu/news/yuliya-charnyauskaya-pra-nastaunika-udoma-mozhna-kazats-usyo-shto-zaugodna/

Інцыдэнт здарыўся ў гімназіі № 71. У лісце, напісаным у рэдакцыю «Сильных новостей», паведамляецца, што класная аднаго з трэціх класаў збіла дзіця, якому ў выніку ў больніцы накладвалі швы. Адзначаецца, што настаўніца біла дзяцей і раней, напрыклад, ударыла аднаго з вучняў насценным гадзіннікам, але скаргі бацькоў вынікаў не далі.

Дырэктарка гімназіі пацвердзіла выданню інцыдэнт. Паводле яе, у справе разбіраецца Следчы камітэт. Дырэктарка адзначыла, што настаўніца мае вялікі педагагічны стаж, раней спагнанняў не мела і скаргаў ад бацькоў на яе не паступала.

https://belsat.eu/news/lukashenka-uznaviu-na-pratsy-nastaunitsu-yakaya-abyatsala-zabits-partaj-vuchnya/

Нагадаем, што гэта не першы гучны канфліктны выпадак, які здарыўся ў школах Гомля. Напрыклад, 13 верасня 2019 года з гомельскай школы № 15 звольнілі настаўніцу пачатковых класаў, якая падчас уроку расейскай мовы пагражала школьніку, што ўдарыць яго партай, абражала яго і брудна лаялася.

Праз 5 дзён яе ўзнавілі на працы пасля асабістага ўмяшання кіраўніка дзяржавы.

МГ belsat.eu

Hавiны