У судзе Савецкага раёну Гомля блогера youtube-канала «Страна для жизни» Сяргея Ціханоўскага пакаралі адміністратыўным арыштам за акцыю супраць інтэграцыі з Расеяй 20 снежня.
Ціханоўскі адсядзеў амаль 15 содняў за акцыю 21 снежня. Заўтра ён павінен быў выйсці з ІЧУ. Але сёння адбыўся суд за акцыю 20 снежня. Суддзя Аляксандр Мохараў прысудзіў Ціханоўскаму яшчэ 15 содняў.
Блогер Ціханоўскі асвятляў акцыі пратэстаў супраць інтэграцыі для свайго відэаблогу «Страна для жизни». Сярод абвінавачванняў гучала, што Ціханоўскі выкрыкваў «Жыве Беларусь» і махаў сцягам. Але ён асвятляў усю акцыю падчас стрыму, што пацвярджае відэа ў адкрытым доступе.
ІІ belsat.eu