Год таму застрэліўся аднагрупнік магілёўскага інспектара ДАІ, якога знайшлі мёртвым

Блогер NEXTA нагадаў у сваім Telegram’е, што летась у лесе пад Берасцем знайшлі цела Валерыя Калькіса, які вучыўся разам з Яўгенам Патаповічам.

Цела працаўніка крымінальнага вышуку Маскоўскага РАУС Берасця знайшлі 12 верасня 2018 г. Тады праваахоўнікі паведамілі, што смерць наступіла ў выніку агнястрэльнага ранення. Паводле афіцыйнай версіі, міліцыянт застрэліўся.

NEXTA сцвярджае, што Калькіс і Патаповіч вучыліся ў адной групе ў Магілёўскім інстытуце МУС і ведалі адзін аднаго.

Нагадаем, што паводле Следчага камітэту, Яўген Патаповіч таксама мог застрэліцца.

Цела Яўгена Патаповіча знайшлі ў лесе пад Магілёвам.

ЮВ belsat.eu