Насамрэч ніякай прыязнасці паміж жывёлінамі не было, тыгр папросту ўвесь час быў сыты.
Пра гэта распавяла былая прэс-сакратарка Прыморскага сафары-парку Яўгенія Патаноўская. Паводле адмыслоўцы ў пі-ар, казла памылкова прывялі да сытага тыгра, а калі драпежнік яго не з’еў, яна ўгаварыла зрабіць з гэтага рамантычную гісторыю.
Два месяцы Цімура ўзмоцнена кармілі, а калі дырэктар парку пачаў прысвойваць усю славу сабе, Патаноўская звольнілася і апісала гэтую сітуацыю ў сваім рэзюмэ, якое даслала ў рэдакцыю medialeaks.ru.
У канцы студзеня паміж «сябрамі» здарыўся першы сур’ёзны канфлікт – тыгр атакаваў казла і зламаў яму хрыбет. Пасля рэабілітацыі Цімура перавялі ў суседні вальер.
Гісторыя сяброўства тыгра і казла стала адным з самых папулярных мемаў 2015 года. Дагэтуль за іх сумесным бытам можна назіраць у рэжыме онлайн.
ДР belsat.eu
