Былы дарадца кандыдаткі на пасаду прэзідэнта ЗША апублікаваў відэа, на якім запісаны момант як Клінтан вучыцца ўцякаць ад славутых рукапацісканняў Доналда Трампа.
«Мой любімы момант з падрыхтоўкі да дэбатаў», – напісаў Філіп Райнс у сваім твіце.
«Я сёння выбухнула смехам, калі ўбачыла гэтае відэа. Спадзяюся, яно зробіць ваш дзень прыемным», – напісала Клінтан у сваім «Twitterʼы».
Летась падчас дэбатаў Клінтан і Трамп устрымаліся ад рукапацісканняў.
Тэма «абдымкаў Трампа» зʼявілася ў медыях пасля заявы экс-дырэктара FBI Джэймза Комі, якога нядаўна звольніў прэзідэнт ЗША. У размове з «Hill» Комі сказаў, што яму было «агідна», калі Трамп прылюдна абняў яго на публічным мерапрыемстве.
ЮВ, belsat.eu