Падчас нарады па пытаннях развіцця Менску Аляксандр Лукашэнка заявіў, што чакае ад сталічных уладаў бескампраміснай барацьбы з бюракратыяй і карупцыяй.
«Трэба вам ва ўзаемадзеянні з Адміністрацыяй прэзідэнта па прозвішчах разабрацца, з кім вам працаваць, а з кім – не. Асабліва ў падведамных Менскаму гарвыканкаму арганізацыях, – сказаў Лукашэнка. – Вы павінны абвясціць бескампрамісную барацьбу бюракратыі і карупцыі, паколькі адно спараджае іншае».
Ён падкрэсліў, што рэзанансныя карупцыйныя злачынствы падрываюць аўтарытэт гарадской улады і кідаюць цень на прыстойных чыноўнікаў. «Карупцыя – гэта дзікае несправядлівасць і іржа, якая знішчае ўсё. А гэтага дабра ў Менску дастаткова. Вы ведаеце, колькі ў месцах не гэтак аддаленых сёння знаходзіцца менчукоў – ад бізнесменаў да ўлады. Не хацелася, каб так было», – цытуе Лукашэнку ягоная прэс-служба.
Ён даручыў прапрацаваць меры і падрыхтаваць прапановы па ўзмацненні адказнасці за карупцыйныя правапарушэнні.
«Спагнанне па пытаннях карупцыі трэба ўзмацніць. Падрыхтуйце прапановы. Мы ўзмоцнім адказнасць за карупцыйныя правапарушэнні», – сказаў Лукашэнка.
Лукашэнка папярэдзіў, што ні адзін факт карупцыі не можа застацца незаўважаным, але ён заўсёды патрабуе ад праваахоўных органаў даць канкрэтныя доказы злачынства.
«Толькі тады з майго ведама прымаюцца рашэнні. Гэтым самым я абараняю невінаватага чыноўніка. Таму што ўсякае можа быць. Накат ні за што на адказнага, добрага, таго, хто любіць краіну. Таму я патрабую дакладу па ўсіх напрамках, у тым ліку па буйных правапарушэнняў. Не бывае выпадку, каб вы дзе-небудзь што-небудзь замовілі, жонка, сваякі і заўтра-паслязаўтра гэта не было вядома. Адразу бяром на кантроль. Праз месяц усё зразумела – цэлая схема. І вось тут прабачэння не чакайце», – папярэдзіў ён.
ІІ, belsat.eu