Карэспандэнт расейскага выдання «Медуза» Іван Галуноў распавёў у судзе, дзе вырашаецца пытанне аб меры стрымання для журналіста, што звязвае крымінальны пераслед з ягонымі расследаваннямі пра пахавальную індустрыю, піша meduza.io.
«Гэта праз пахавальны бізнес. Мне паступалі пагрозы», – сказаў журналіст.
Паводле Галунова, пасля затрымання 6 чэрвеня яго збілі ў паліцыі. Праваахоўнікі затрымалі журналіста па падазрэнню ў замаху на збыт наркотыкаў.
У судзе пракурор запрасіў два месяцы арышту для Галунова, матывуючы гэта тым, што журналіст можа ўцячы ад следства. Але суддзя пастанавіў змясціць журналіста пад хатні арышт.
Вядомы расейскі журналіст Уладзімір Познер назваў арышт Івана Галунова «пляўком у твар усіх журналістаў Расеі».
ЮВ, belsat.eu
