Гэта меркаваны чэрап Кастуся Каліноўскага. Фотафакт

Фота

Меркаваны чэрап Кастуся Каліноўскага. Фота – Вольга ШведФота, меркаванага, чэрапа Кастуся Каліноўскага публікуецца ўпершыню.

Паводле навукоўцаў з Віленскага ўніверсітэту, з 90-адсодкавай верагоднасцю гэты чэрап можа належыць Кастусю Каліноўскаму

Даследчыкі спадзяюцца на пазітыўны вынік перамоваў Беларусі і Літвы адносна эксгумацыі парэшткаў старэйшага брата Каліноўскага Віктара, магіла якога ў Свіслачы на Гарадзеншчыне, каб зрабіць аналіз ДНК. Толькі пасля гэтага можна казаць, што знойдзеныя на гары Гедзіміна ў Вільні парэшткі сапраўды належаць аднаму з лідараў нацыянальна-вызвольнага паўстання. Перамовы вядуцца ўжо амаль год.

Медальён з Маці Божай Вастрабрамскай, які мог належаць Каліноўскаму. Фота – Вольга Швед

Сёлета 22 сакавіка споўнілася 155 гадоў са дня смерці Кастуся Каліноўскага – аднаго з кіраўнікоў паўстання 1863-1864 гадоў.

Каліноўскага публічна павесілі на Лукішскай плошчы ў Вільні, а цела пахавалі на Замкавай гары (гары Гедзіміна), дзе 155 гадоў таму стаяў гарнізон расейскіх жаўнераў.

Каліноўскага пахавалі са звязанымі рукамі, а цела засыпалі вапнай.

Чаму павешанне, а не расстрэл? Міфы і праўда пра два апошнія месяцы жыцця Кастуся Каліноўскага

Меркаваныя парэшткі Каліноўскага ды іншых паўстанцаў знайшлі выпадкова. Праз апоўзні на гары Гедзіміна былі запланаваныя адмысловыя будаўнічыя працы па ўмацаванню глебы, але ў звязку з гістарычнай значнасцю месца першымі туды пусцілі не будаўнікоў, а археолагаў.

ЮВ belsat.eu

Глядзі таксама
Каментары