«Але трэба разабрацца». Генпракурор пацвердзіў факт затрымання кіраўніка «БелОМА»


Цяпер ужо былы кіраўнік БелОМА Вячаслаў Бурскі. Фота - director.by

Генеральны пракурор Беларусі Аляксандр Канюк пацвердзіў затрыманне гендырэктара холдынгу «БелОМА» Вячаслава Бурскага. Першым пра затрыманне паведаміў на мінулым тыдні «Белсат».

«Так, затрыманы. Але гэта чалавек, там сям’я, трэба разабрацца», – адзначыў Канюк у каментары TUT.by.

Артыкул, па якім затрыманы Вячаслаў Бурскі генпракурор не назваў.

«Я хачу дачакацца пэўных вынікаў. Як былы суддзя ведаю, што бываюць апраўдальныя прысуды. Як потым глядзець чалавеку ў вочы?» – заявіў Канюк.

Пра затрыманне Бурскага і ператрусы на прадпрыемстве паведамілі на мінулым тыдні крыніцы belsat.eu. Telegram-канал «Хромой бес» паведамляў, што сілавікі таксама затрымалі дырэктара БелОМА «па камерцыі» Уладзіміра Кіскіна.

Скруцілі ў аэрапорце. Гналі замовы міма заводу: падрабязнасці затрымання кіраўнікоў холдынгу БелОМА

  • Вячаслаў Бурскі ўзначальвае БелОМА з 1992 года, кар’еру пачаў яшчэ ў 1970-ыя інжынерам, працаваў галоўным тэхнолагам, галоўным інжынерам на БелОМА. Доктар тэхналагічных навук, прафесар.
  • Беларускае оптыка-механічнае аб’яднанне спецыялізуецца на распрацоўцы і выпуску оптыка-электронных, лазерных і оптыка-механічных прыладаў, у тым ліку падвойнага прызначэння.

ІІ, belsat.eu

Глядзі таксама
Каментары