На старонцы Генпракуратуры з’явілася абвестка, што законнасць затрымання Віктара Бабарыкі праверана пракуратураю і пацверджаная пастанаўленнем суду Цэнтральнага раёну Менску.
У Генеральную пракуратуру Беларусі паступіла мноства зваротаў ад грамадзянаў наконт крымінальнай справы, якая вядзецца ў дачыненне да Віктара Бабарыкі.
«Інфармуем, што законнасць ягонага затрымання праверана пракуратураю і пацверджаная пастанаўленнем суду Цэнтральнага раёну Менску ад 24 чэрвеня 2020 года», – гаворыцца на старонцы ведамства.
У абвестцы нагадваюць, што дзеянні органа, які вядзе крымінальную справу, могуць быць абскарджаныя, калі працэсуальныя дзеянні закранаюць іхныя інтарэсы. Аднак заяву можна накіраваць толькі вусна або пісьмова.
«Паведамляем, звярнуўшыся ў Генеральную пракуратуру па абазначанай тэме, што абскарджанне дзеянняў і рашэнняў асобамі, якія не надзеленыя адпаведным правам, цягне за сабою пакіданне зваротаў без разгляду па сутнасць», – падкрэсліваецца на старонцы Генпракуратуры.
Віктар Бабарыка разам са сваім сынам Эдуардам быў затрыманы 18 чэрвеня. Вядома, што ён зʼяўляецца фігурантам крымінальнай справы, аднак артыкул і абвінавачванне адвакаты не могуць агалошваць.
Зараз ён знаходзіцца ў СІЗА КДБ.
КТ belsat.eu
