Кіраўнік Закарпацкай вобласці Украіны Генадзь Маскаль напісаў заяву пра адстаўку па ўласнаму жаданню. Такім чынам гэта ўжо трэцяя адстаўка кіраўніка рэгіёну на Украіне за два дні.
«У адпаведнасці з абзацам 2 артыкула 8 Закона Украіны «Аб мясцовых дзяржаўных адміністрацыях», кіраўнікі мясцовых дзяржаўных адміністрацыяў прызначаюцца на пасаду Прэзідэнтам Украіны па прадстаўленні Кабінета Міністраў Украіны на тэрмін паўнамоцтваў Прэзідэнта Украіны. Згодна з артыкулам 9 Закона паўнамоцтвы старшыняў мясцовых дзяржаўных адміністрацыяў спыняюцца Прэзідэнтам Украіны», – гаворыцца ў заяве.
Маскаль – трэці кіраўнік рэгіёну, які сышоў са сваёй пасады пасля перамогі Уладзіміра Зяленскага на прэзідэнцкіх выбарах. Да яго гэта зрабілі кіраўнікі Львоўскай і Мікалаеўскай вобласцяў.
У Закарпацце Парашэнка набраў 16,69% галасоў – гэта горшы вынік з усіх абласцей Заходняй і Цэнтральнай Украіны.
