14 лютага ў Санкт-Пецярбурзе адбылася сустрэча старшыні праўлення расейскай кампаніі «Газпром» Аляксея Мілера з амбасадарам Беларусі ў Расеі Уладзімірам Сямашкам і міністрам энергетыкі Беларусі Віктарам Каранкевічам. Бакі абмеркавалі супрацу ў газавай сферы.
Мілер і Сямашка падпісалі Пратакол паміж «Газпромам» і ўрадам Беларусі, які вызначае парадак фармавання цэнаў пры пастаўцы прыроднага газу ў Беларусь у 2020 годзе, паведамілі ў расейскай кампаніі.
Кантракты паміж кампаніямі «Газпром» і «Газпром трансгаз Беларусь» на пастаўку газу ў Беларусь і яго транспартаванне праз яе тэрыторыю дзейнічаюць да канца 2020 года.
31 снежня 2019 года бакі падпісалі пратакол аб цэнах на газ у Беларусь у студзені і лютым 2020 года.
МГ belsat.eu