Гарадзенская вобласць і Польшча пашыраць супрацу ў сферы турызму


Фото REUTERS/Vasily Fedosenko/Forum

У Гарадзенскай вобласці з 13 па 15 снежня пройдзе рэкламны тур для прадстаўнікоў турыстычнай індустрыі Польшчы. Па яго выніках плануецца падпісаць некалькі беларуска-польскіх дакументаў аб супрацы ў гэтай сферы, паведамляе БелТА.

З 10 лістапада «бязвіз» пачаў дзейнічаць на ўсёй тэрыторыі Гарадзеншчыны. Каб прэзентаваць магчымасці для турыстаў, сюды запрасілі 37 прадстаўнікоў турыстычнага бізнесу з Заходняй і Цэнтральнай Польшчы, якія раней не працавалі на гэтым напрамку. Удзельнікам туру пакажуць традыцыйная Мір і Наваградак, а таксама прэзентуюць новыя маршруты і падрабязна распавядуць пра ўсе асаблівасці бязвізавага рэжыму.

Польскіх партнёраў выбралі таму, што з пачатку года рэгіён наведалі больш за 115 тысяч «бязвізавых» турыстаў і каля 30% з іх – палякі.

Запланавана падпісанне мемарандумаў аб супрацы паміж упраўленнем спорту і турызму Гарадзенскага аблвыканкаму і Палатай турызму Польшчы, турыстычным палатамі Варшавы і Дольнашленскага ваяводства.

КА belsat.eu

Глядзі таксама
Каментары