Гарадзенец так хацеў у госці да суседзяў, што паведаміў пра бомбу ў кватэры


61-гадовы мужчына паведаміў у міліцыю, што ягоныя суседзі збіраюцца падарваць кватэру, а пазней сказаў, што сам хоча падарваць сябе.

Аказалася, мужчына быў нецвярозы. Яго затрымалі. Выбухоўкі праваахоўнікі не выявілі ні ў яго, ні ў суседзяў. Пазней мужчына патлумачыў, што суседзі не адчынілі яму дзвярэй, калі ён хацеў зайсці да іх у госці. Ён быў настолькі п’яны, што пераблытаў нумар кватэры ды набіваўся ў госці не да сабутэльніка, а іншай сямʼі.

Дому не эвакуявалі. За ілжывае паведамленне пра небяспеку мужчыну пагражае штраф, арышт, абмежаванне свабоды да трох гадоў або турма ад трох да пяці гадоў.

ДР belsat.eu

Глядзі таксама
Каментары