Суд у Гаазе адхіліў апеляцыю экс-лідара баснійскіх сербаў на прысуд па абвінавачванні ў генацыдзе, вынесены ў 2016 годзе Трыбуналам па былой Югаславіі, піша bbc.com.
Караджыч спрабаваў давесці, што не аддаваў загад забіваць мусульманаў у Срэбрэніцы, але суддзя спаслаўся на «сёмую дырэктыву», падпісаную ім у якасці прэзідэнта «Република Српска», у якой загадвалася зрабіць «невыносным» жыццё мусульманаў у Босніі.
Караджыч, падпісваючы гэтую дырэктыву, ведаў, што яна змяшчае адпаведны пасаж, сказаў суддзя.
Іншыя аргументы Караджыча суд таксама палічыў непераканаўчымі.
У 2016 годзе трыбунал па былой Югаславіі прысудзіў Караджыча да 40 гадоў турмы.
Суд прызнаў Караджыча адказным за арганізацыю масавага забойства мусульманаў у Срэбрэніцы ў 1995 годзе. Ахвярамі разні сталі больш за сем тысяч мужчын.
Караджыч таксама прызнаны вінаватым у арганізацыі нападаў на мірных жыхароў і ў забойствах падчас аблогі гораду Сараева.