Суддзя Прэсненскага раённага суда Масквы Алена Абрамава 8 траўня вынесла прысуд футбалістам Паўлу Мамаеву і Аляксандру Какорыну, малодшаму брату апошняга Кірылу ды іхнаму сябру, трэнеру Аляксандру Пратасавіцкаму.
Прысуды супадаюць з тым, што прасіла абвінавачванне: 1,5 гады калоніі агульнага рэжыму для братоў Какорыных, па годзе і пяці месяцах – для Мамаева і Пратасавіцкага, паведамляе «Медиазона».
Форвард «Зеніту» Аляксандр Какорын і паўабаронца «Краснадару» Павел Мамаеў трапілі ў скандал у кастрычніку 2018 года. Іх звінавацілі ў збіцці чыноўніка расейскага Міністэрства прамысловасці і гандлю Дзяніса Пака. Ад агрэсіўных дзеянняў спартоўцаў пацярпеў таксама 33-гадовы беларускі кіроўца.
МГ belsat.eu