Расейскія спецслужбы паведамляюць, што ўкраінскія караблі мелі намер патаемна прайсці праз Керчанскую пратоку. У якасці доказу прыводзяць знойдзеныя на караблях адмысловыя дакументы, што пацвярджаюць гэта.
Падчас агляду затрыманых украінскіх вайсковых кацераў на адным з іх выяўлены дакумент:
«Кантрольны ліст гатовасці карабля «Нікаполь»да выхаду ў мора з 9.00 2018/11/23 па 18.00 2018/11/25 году», у якім старшаму групы караблёў ставіцца прамая задача ажыццявіць пераход з Адэсы ў Бердзянск «скрытным парадкам», «засяродзіўшы асноўную ўвагу на забеспячэнні скрытнага падыходу да Керчанска-Енікальскага каналу і праходжання праз яго».
Акрамя таго, на тым жа караблі знойдзены рукапісны канспект устаноўленых Расейскай Федэрацыяй правілаў плавання па Керчанска-Енікальскага каналу, з чаго вынікае, што ўкраінскія маракі былі добра дасведчаныя аб парадку яго праходжання.
ФСБ настойвае: украінскія караблі парушылі правілы перасячэння мяжы. Там сцвярджаюць, што караблі ВМС Украіны не адзін раз папярэджваліся пра гэта па радыёсувязі. «Нягледзячы на прынятыя расейскім бокам меры, караблі ВМС Украіны былі прыведзены ў баявую гатовасць», адзначаецца ў паведамленні.
Акрамя таго спецслужбоўцы Расеі агучылі, што на караблях знайшлі арсенал зброі. Між іншага былі выяўленыя артустаноўкі, кулямёты, аўтаматы, гранаты, патроны.
СК, belsat.eu