Гарадскія ўлады просяць дапамогі з прыбіраннем, паведамляе minsknews.by.
– Цягам содняў на тэрыторыі краіны назіраліся неспрыяльныя метэаралагічныя з’явы, выяўленыя выпадзеннем вялікіх ападкаў у выглядзе снегу (да 13 мм), максімальная вышыня снежнага покрыва склала 25 см у Слуцкім раёне Менскай вобласці, – гаворыцца ў паведамленні МНС.
У пятніцу, 8 студзеня, на большай частцы тэрыторыі Беларусі быў моцны снегапад. Абвесцілі штармавое папярэджанне – памаранчавы ўзровень небяспекі.
Сталіцу ўсцяж замятае снегам. Менскі гарвыканкам не спраўляецца з прыбіраннем і звяртаецца па дапамогу да бізнесу.
– Мы заклікаем субʼекты гаспадарання не заставацца ўбаку і актыўна далучацца да прыбірання снегу на сваіх і замацаваных тэрыторыях. Толькі разам мы можам зрабіць горад чыстым і бяспечным, – заявіў намеснік старшыні Менскага гарвыканкаму Аляксандр Дараховіч.
ІК belsat.eu