На самы буйны фестываль дакументальнага кіно Паўночнай Амерыкі «Hot Docs» абралі стужку «Стрыптыз і вайна».
Фільм будзе прэзентаваны ў праграме «World Showcase», у якой удзел бяруць найлепшыя негульнявыя фільмы з усяго свету з магчымасцю атрымаць прыз глядацкіх сімпатыяў.
Праца над фільмам цягнулася 4 гады. Андрэй Куціла кажа, што гэты праект быў пэўна найбольш пакутны ў ягоным жыцці, але вельмі цешыцца, што трапіў у Таронта.
«Бо гэта топавы фестываль дакументальнага кіно ў свеце з вялікаю глядацкай аўдыторыяй прыблізна на 200 000 чалавек. Вельмі цяжка даваўся фінальны мантаж. Сёння я задаволены вынікам.
Важна было, што «Белсат» яшчэ на ўзроўні ідэі патрымаў праект і адправіў мяне ў 2014 годзе на праграму «Młodzi o młodych» пад кіраўніцтвам выбітных польскіх дакументалістаў. Там і нарадзілася ідэя!
Фільм для мяне знакавы. Праз яго я пастараўся вобразна нешта сказаць пра нашую краіну. Я бясконца ўдзячны маім героям за ўдзел і цярпенне».
Працы беларускага рэжысёра Андрэя Куцілы не раз перамагалі ў прэстыжных конкурсах.
Глядзіце стужкі Андрэя Куцілы на нашай старонцы:
Поўны спіс фільмаў і рэпартажаў Андрэя Куцілы
ДР belsat.eu
