ЕЗ заклікаў беларускія ўлады вызваліць затрыманых журналістаў

Брусель патрабуе ад беларускіх уладаў неадкладна вызваліць пяць незалежных журналістаў, якіх на мінулым тыдні затрымалі і пакаралі адміністратыўным арыштам. Пра гэта гаворыцца ў заяве прадстаўніка вонкавапалітычнай службы ЕЗ Пэтэра Стана, піша DW.

Гаворка ідзе пра Змітра Лупача, Аляксандра Буракова-старэйшага, ягонага пляменніка – Аляксандра Буракова-малодшага, Міхаіла Аршынскага і Алеся Асіпцова. Як нагадаў Стана, усе яны асвятлялі грамадскія акцыі ў падтрымку вядомага блогера Сяргея Ціханоўскага, які раней абвесціў пра намер балатавацца на выбарах прэзідэнта Беларусі.

Блогера і аператара «Белсату» Міхаіла Аршынскага двойчы пакаралі соднямі

У заяве адзначаецца, што забеспячэнне свабоды СМІ мае асаблівае значэнне ў кантэксце прэзідэнцкіх выбараў у Беларусі, якія запланаваны на 9 жніўня. У звязку з гэтым Еўразвяз настойвае на неадкладным вызваленні рэпарцёраў і патрабуе гарантаваць ім права выконваць сваю працу «без страху» і пагрозы ўмяшання.

Аператары Зміцер Лупач і Міхаіл Аршынскі супрацоўнічаюць з «Белсатам».

На журналіста Змітра Лупача склалі чарговы адміністратыўны пратакол

ІІ belsat.eu

Hавiны