Пра гэта паведамляецца на сайце Рады ЕЗ.
«ЕЗ дадаў трох грамадзянаў Расеі і тры кампаніі, якія былі датычныя да паставак газавых турбінаў у Крым, у спіс асобаў, якія падпадаюць пад абмежавальныя меры ў сувязі з дзеяннямі, якія падрываюць тэрытарыяльную цэласнасць, суверэнітэт і незалежнасць Украіны», – гаворыцца ў паведамленні Рады ЕЗ.
Абмежаванні накладзеныя на намесніка міністра энергетыкі Расеі Андрэя Чэразава і кіраўніка дэпартаменту Мінэнерга Яўгена Грабчака. У «чорны спіс» унесенае ААТ «Внешнеэкономическое объединение Технопромэкспорт» і ТАА «Внешнеэкономическое объединение Технопромэкспорт» і іхны гендырэктар Сяргей Сякера-Гілка, а таксама ЗАТ «Интеравтоматика».
У ліпені нямецкая кампанія «Siemens» паведаміла, што абсталяванне, якое было прададзенае для праекту ў Краснадарскім краі, пераправілі ў Крым, парушаючы пры гэтым кантрактныя абавязкі.
Нагадаем, што ў 2014 годзе Расея анексавала Крым, спаслаўшыся на вынікі рэферэндуму, які не прызнала міжнародная супольнасць.
ЮВ, belsat.eu