Раніцай 25 верасня ў Мёрах (Віцебская вобласць) адбыўся выкід аміяку. Інцыдэнт здарыўся ў цэху полацкага філіялу ААТ «Малако», паведамілі ў Міністэрстве надзвычайных сітуацыяў.
Выкід аміяку адбыўся ў выніку разгерметызацыі зварнога шва халадзільнай устаноўкі на ўчастку ад выпарніка да размеркавальніка вільгаці. Персанал самастойна пакінуў прадпрыемства.
Працаўнікі МНС эвакуявалі ў бяспечнае месца са школы, што знаходзіцца за 200 метраў ад месца аварыі, 560 дзяцей і 110 чалавек персаналу.
Уцечка ліквідаваная. Пацярпелых няма.
Прычына аварыі высвятляецца.
МГ belsat.eu