Еўразвяз зацвердзіў новы спіс беларускіх афіцыйных асобаў, супраць якіх уведзены персанальныя санкцыі. Сярод іх – Аляксандр Лукашэнка і ягоны старэйшы сын Віктар.
У новы санкцыйны спіс увайшлі 15 асобаў. Іх імёны апублікаваныя ў афіцыйным выданні ЕЗ. У спіс ўвайшлі:
- Аляксандр Лукашэнка. Як адзначаецца ў афіцыйным выданні ЕЗ, Лукашэнка «адказны за жорсткія рэпрэсіі з боку дзяржаўнага апарату, якія праводзіліся да і пасля прэзідэнцкіх выбараў 2020»;
- ягоны памочнік па нацыянальнай бяспецы, сябра Савета бяспекі Беларусі Віктар Лукашэнка;
- кіраўнік Адміністрацыі прэзідэнта Ігар Сяргеенка;
- старшыня КДБ, былы старшыня КДК Іван Церцель;
- начальнік Галоўнага ўпраўлення аховы правапарадку і прафілактыкі МУС Раман Мельнік;
- старшыня Следчага камітэта Іван Наскевіч;
- старшыня Дзяржаўнага камітэта судовых экспертыз Аляксей Волкаў;
- намеснік старшыні Следчага камітэта Сяргей Аземша;
- намеснік старшыні Следчага камітэта Андрэй Смаль;
- кіраўнік Аператыўна-аналітычнага цэнтра пры прэзідэнце Андрэй Паўлючэнка;
- намеснік міністра інфармацыі Ігар Бузоўскі;
- прэс-сакратарка Лукашэнкі Наталля Эйсмант;
- камандзір групы «Альфа» КДБ Сяргей Зубкоў;
- былы дзяржаўны сакратар Савета бяспекі Андрэй Раўкоў;
- старшыня Канстытуцыйнага суда Пётр Міклашэвіч.
Раней, 2 кастрычніка, ЕЗ апублікаваў спіс з 40 беларускіх сілавікоў і чыноўнікаў, у дачыненні якіх былі ўведзеныя персанальныя санкцыі.
ІІ belsat.eu