Прэзідэнт Еўрапейскай рады Дональд Туск пацвердзіў, што ЕЗ дае Вялікай Брытаніі адтэрміноўку Brexit больш чым на шэсць месяцаў, каб «знайсці найлепшае магчымае рашэнне».
Выхад Вялікай Брытаніі з ЕЗ цяпер прызначылі на 31 кастрычніка 2019 года.
«Калі ласка, гэтым разам не марнуйце час», – адзначыў Туск, паведамляе AP.
У чэрвені лідары ЕЗ мусяць зноў сабрацца, каб ацаніць прагрэс па звязаным з брэкзітам пытанням.
Раней прэм’ер-міністр Брытаніі Тэрыса Мэй адправіла Дональду Туску ліст з просьбай перанесці брэкзіт з 29 сакавіка на 30 чэрвеня 2019 года. Пры гэтым, паводле Мэй, адтэрміноўка «брэкзіта» не выключае магчымасці для Лондана выйсці з ЕЗ без пагаднення.
- Першапачаткова Brexit планавалася ажыццявіць 29 сакавіка, але брытанскі парламент адмаўляўся зацверджваць дамову аб выхадзе Вялікай Брытаніі з ЕЗ. У пагадненні аб умовах «брэкзіту» гаворыцца, што на ўсёй тэрыторыі Злучанага Каралеўства мусяць дзейнічаць мытныя правілы ЕЗ, а ў Паўночнай Ірландыі – і іншыя еўрапейскія нормы. Акрамя таго, дакумент абавязвае Лондан заплаціць Бруселю 39 млрд фунтаў у кошт раней прынятых абавязкаў перад еўрапейскім бюджэтам.
- Крытыкі праекту кажуць, што гэтая дамова а сутнасці аддзяляе Паўночную Ірландыю ад астатняй тэрыторыі краіны, пазбаўляе Лондан магчымасці дамагацца ўласных гандлёвых пагадненняў з трэцімі краінамі і змушае яго выконваць амаль усе рашэнні еўрапейскіх кіроўных органаў, не маючы ніякага ўплыву на іх прыняцце.
Hавiны
У Вялікай Брытаніі прайшла самая буйная дэманстрацыя супраць брэкзіту
2019.03.23 19:41
ІІ belsat.eu