Еўрапарламент не будзе рабіць больш жорсткім аўтарскае права ў інтэрнэце


Большасць дэпутатаў не пагадзіліся ўхваліць дырэктыву аб аўтарскім праве ў інтэрнэце. Паводле экспертаў, яна б магла «забіць» культуру мемаў і парадыйнага кантэнту.

Раней гэтую ініцыятыву ўхваліў Камітэт па прававых пытаннях.

«Я шкадую, што большасць дэпутатаў Еўрапарламента не падтрымалі пазіцыю, якую я прасоўваў разам з Камітэтам па прававых пытаннях. Але гэта частка дэмакратычнага працэсу», – заявіў распрацоўнік праекту дэпутат ад нямецкай Хрысціянска-дэмакратычнага саюзу Аксэль Фос.

Цяпер праект зноў вынесуць на галасаванне на сесіі ў верасні.

Напярэдадні Wikipedia у знак пратэсту закрыла доступ да некалькіх моўных версіях праекту. Пасля завяршэння галасавання ў Еўрапарламенце доступ да іх аднавілі.

ДР belsat.eu

Глядзі таксама
Каментары