Еўрапейскі суд па правах чалавека пастанавіў, што закон аб забароне прапаганды нетрадыцыйных сексуальных адносінаў, прыняты ў Расеі, з’яўляецца дыскрымінацыйным.
Паводле ЕСПЧ, ён парушае права асобы на свабоду самавыяўлення. Супраць такога рашэння прагаласаваў толькі прадстаўнік Расеі ў ЕСПЧ Дзмітры Дзядоў – ён падтрымаў пазіцыю афіцыйнай Масквы.
Расейскія ўлады палічылі, што «станоўчы вобраз гомасексуальнасці згубна ўплывае на развіццё дзяцей і ставіць іх пад пагроу сексуальнага гвалту». З лета 2013 году ў Расеі за гей-прапаганду караюць штрафамі да 100 тысяч рублёў.
Скаргу ў ЕСПЧ накіравалі актывісты ЛГБТ-супольнасці Мікалай Баеў, Аляксей Кісялёў і заснавальнік рэсурсу GayRussia.ru Мікалай Аляксееў. З 2009 па 2012 іх неаднаразова прыцягвалі да адказнасці за прапаганду нетрадыцыйных стасункаў.
Цяпер ЕСПЧ пастанавіў выплаціць ім каля 50 тысяч еўра кампенсацыі.
З лета 2013 году ў Расеі за гей-прапаганду караюць штрафамі да 100 тысяч рублёў.
