Энергаблокі на БелАЭС амаль гатовыя


Беларускія чыноўнікі з Мінэнерга рапартуюць, што першы энергаблок Беларускай АЭС у Астраўцы гатовы амаль на 95 %. Другі выкананы на 70 %, піша TUT.by

«Мы ацэньваем гатовасць першага энергаблоку на 95%. Гэта высокая гатовасць. Другі энергаблок гатовы на 70 %. Наступнай важнай падзеяй на пляцоўцы будаўніцтва стане завоз ядравага паліва», – паведаміла Лілія Дулінец, намеснік дырэктара Дэпартаменту па ядравай энергетыцы Мінэнергетыкі Беларусі.

Hавiны
«Росатом»: першы блок БелАЭС гатовы на 97 %. Эколагі: гэтыя 97 % могуць быць вельмі ўмоўнымі
2019.09.26 09:37

Адметна, што яшчэ 24 верасня генеральны дырэктар расейскай дзяржаўнай карпарацыі ў атамнай энергіі «Расатом» Аляксей Ліхачоў падчас сустрэчы з прэм’ер-міністрам Беларусі Сяргеем Румасам і міністрам энергетыкі Віктарам Каранкевічам заявіў, што першы энергаблок гатовы на 97 %. Але гэтая ацэнка выклікала крытыку не толькі ў эколагаў, але і ў прэм’ер-міністра Беларусі.

Аб’ектыў
У Літве – вучэбная эвакуацыя на выпадак аварыі на БелАЭС
2019.10.02 22:48

Першы энергаблок БелАЭС плануецца ўвесці ў эксплуатацыю да канца 2019 года, другі – у 2020 годзе.

Што да паставак ядравага паліва, то гэта, паводле міністра энергетыкі Беларусі Віктар Каранкевіч, адбываецца «у адпаведнасці з тэхналагічнымі працэсамі».

Каментуючы выказаную напярэдадні намеснікам міністра энергетыкі ЗША Рытай Барануол прапанову аб пастаўках ядравага паліва на БелАЭС, Віктар Каранкевіч сказаў, што пакуль гэта не абмяркоўвалася.

Hавiны
Паліва для БелАЭС маглі б пастаўляць і ЗША
2019.10.07 19:41

«Гэта новая інфармацыя, я не гатовы яе пракаментаваць. Усе пытанні далейшай эксплуатацыі будзем разглядаць потым. Пакуль гэта не абмяркоўвалася», – цытуе словы Віктара Каранкевіча TYT.BY.

Hавiны
Следчы камітэт: На БелАЭС дэфекты ў вентыляцыі могуць прывесці «да збояў сістэмы ў цэлым»
2019.09.23 13:07

СК belsat.eu

Стужка навінаў