Фотасесія брытанскай каралевы прысвечаная ейнаму 90-годдзю.
Паводле фатографа Эні Лейбовіц, якая рабіла здымкі Яе Вялікасці, усе ідэі фота належаць самой каралеве.
«Яна хацела сфатаграфавацца з усімі членамі сямʼі: з мужам, прынцам Філіпам, герцагам Эдынбургскім; з дачкой, прынцэсай Ганнай; і са сваймі коргі», – распавяла Лейбовіц.
Акрамя фотаздымкаў Эні Лейбовіц, у нумары «Vanity Fair» пра Элізабэт II будуць успаміны каралеўскага біёграфа Уільяма Шоукроса і матэрыял пра каралеўскіх коргі, якіх брытанская каралева разводзіць з 1949 года.
Летні выпуск часопісу «Vanity Fair» з брытанскай каралевай на вокладцы выйдзе 2 чэрвеня.
ДР, belsat.eu паводле meduza.io