Праз дзесяць гадоў пасля сусветнага фінансавага крызісу адсоткавыя стаўкі цэнтральных банкаў многіх краінаў застаюцца на рэкордна нізкім узроўні і нават ніжэй за нуль, таму пытанне заключаецца ў тым, наколькі добра манетарная палітыка зможа супрацьстаяць любому магчымаму эканамічнаму спаду.
Адным з варыянтаў можа стаць выпуск электронных грошай у тандэме са звычайнымі грашовымі сродкамі, пішуць эканамісты Міжнароднага валютнага фонду ў блогу групы. Грашовыя сродкі, якія могуць быць безадсоткавымі, дазваляюць абыходзіць адмоўныя стаўкі, але электронныя грошы, выпушчаныя цэнтральным банкам, не могуць «захоўвацца пад матрацам».
Эканамісты МВФ адзначылі, што падзел грашовай базы на дзве асобныя валюты – наяўныя і электронныя грошы – можа дазволіць зрабіць стаўкі яшчэ ніжэй за нуль. Курс электронных грошай будзе залежаць ад курсу грашова-крэдытнай палітыкі, а наяўныя ўжо будуць мець абменны курс, залежны ад курсу электронных грашовых сродкаў.
Ключавым з’яўляецца каэфіцыент канверсіі, паколькі гэта дазволіла б абясцэньваць грашовыя сродкі тымі ж тэмпамі, што і адмоўная адсоткавая стаўка па электронных грошах. Крамы таксама пачнуць рэкламаваць тавары з коштамі ў электронных грошах і ў наяўных паасобку.
«Такім чынам, наяўныя грошы могуць страціць каштоўнасць як з пункту гледжання тавараў, так і з пункту гледжання электронных грошай, і не было б ніякай карысці ад утрымання грашовых сродкаў у параўнанні з банкаўскімі дэпазітамі. Гэтая падвойная сістэма мясцовай валюты дазволіла б цэнтральнаму банку ўвесці мінімальную адсоткавую стаўку, неабходную для процідзеяння рэцэсіі без замены на наяўныя», – лічаць адмыслоўцы МВФ.
Адмоўныя стаўкі цяпер усталяваліся, напрыклад, у Даніі, Швейцарыі, Швецыі, а таксама ў зоне еўра. Магчымасць знізіць стаўкі ніжэй за нуль зʼявілася пра тое, што адбіраць наяўныя ў вялікай колькасці даволі нязручна і нявыгадна.
Швецыя таксама стала добрым тэставым прыкладам, паколькі краіна хутка вызваляецца ад наяўных грошай. Цэнтральны банк краіны, дзе адсоткавая стаўка цяпер складае мінус 0,25 %, таксама вывучае магчымасць выпуску так званай электроннай кроны.
Як лічаць асобныя спецыялісты МВФ, двухвалютная сістэма «будзе мець перавагу поўнага вызвалення грашова-крэдытнай палітыкі ад нулявы ніжняй мяжы, а таксама пацвердзіць прыхільнасць цэнтральнага банку мэтавым узроўні інфляцыі».
Але ёсць і праблемы, напрыклад, што гэта запатрабуе «велізарных камунікацыйных намаганняў», а таксама ёсць і іншыя варыянты павелічэння прасторы грашова-крэдытнай палітыкі, такія як больш высокія мэтавыя паказнікі інфляцыі, лічаць эканамісты.
СК, belsat.eu, паводле vestifinance.ru
