Эксперты заяўляюць, што Кітай занізіў колькасць інфікаваных у 10 разоў


У той час, як кітайскія ўлады сцвярджаюць пра 4515 інфікаваных новым каронавірусам, эксперты з Гон-Конгу кажуць, што сапраўдная лічба можа быць вышэйшая ў 10 разоў.

З заявай пра заніжэнне колькасці хворых афіцыйным Пекінам выступіў дэкан факультэту медыцыны Універсітэту Гон-Конгу Гейбрыел Лян, паведамляе «The South China Morning Post» у Twitter.

Паводле яго, клінічна пацверджаных выпадкаў заражэння павінна налічвацца каля 25-26 тыс. чалавек. Колькасць жа тых, хто заразіўся каронавірусам, але пакуль не мае сімптомаў, можа дасягаць 44 тыс.

Гейбрыел Лян падкрэсліў важнасць прыняцця «драконаўскіх» захадаў, каб не дапусціць глабальную эпідэмію. У прыватнасці, трэба забараніць масавыя сходы ды пераезды.

Hавiны
Новы каронавірус забраў жыцці ўжо 106 чалавек
2020.01.28 06:31

«Мы павінны быць гатовыя да таго, што гэтая эпідэмія можа стаць глабальнай эпідэміяй», – заявіў навуковец, дадаўшы, што рызыка гэтага «не слабая і не неістотная».

Між тым Дзяржаўны камітэт па пытаннях аховы здароўя Кітаю паведамляе, што па стане на поўнач 28 студзеня ад новага каронавірусу ў краіне памерлі 106 чалавек. Колькасць інфікаваных вырасла да 4515.

Hавiны
У Беларусі каронавірусу няма, нейкіх адмысловых захадаў Мінаховы здароўя пакуль не плануе
2020.01.28 13:24

МГ belsat.eu

Стужка навінаў