Егіпецкія судмедэксперты сцвярджаюць, што самалёт з 66 пасажырамі на борце разбіўся ў выніку выбуху.
Пра гэта паведамляе тэлеканалу «Sky news» крыніца, блізкая да расследавання трагедыі, якая ўдзельнічае ў працэдуры апазнання парэшткаў.
Паводле крыніцы, у морг у Каіры паступілі 80 разрозненых фрагментаў, сярод якіх няма ніводнай цэлай часткі цела. Лагічнае тлумачэнне гэтаму – выбух на борце самалёта, падсумоўвае ананімны суразмоўца.
Лайнер кампаніі «EgyptAir» рэйсам з Парыжу ў Каір адарваўся ад паласы лётнішча Шарль дэ Голь учора ўвечары аб 11:20 мясцовага часу. Праз 3 гадзіны самалёт пакінуў паветраную прастору Еўропы ды апошні раз выйшаў на сувязь з дыспетчарамі, яшчэ праз 4 хвіліны наземныя службы страцілі кантакт з бортам. Пазней стала вядома, што самалёт з 66 чалавекамі на борце, упаў у Міжземнае мора.
НМ, belsat.eu
